A Universidade de Vigo aproba un regulamento para o uso do galego
15/7/2015
O Consello de Goberno da Universidade de Vigo aprobou, o pasado 2 de marzo de 2015, o Regulamento de uso da lingua galega. Trátase dunha norma de referencia para o uso institucional do galego, tanto no que se refire aos usos orais como escritos, no ámbito universitario (facultades, escolas, centros, institutos, departamentos e servizos). Coa aprobación desta norma a Universidade de Vigo súmase ás outras dúas universidades galegas, que xa dispuñan dos seus propios regulamentos de uso do galego.
