Nova edición en Ames do obradoiro “En galego, co teu acento”
7/9/2015
O Servizo de Normalización Lingüística do Concello de Ames organiza unha nova edición do obradoiro de lingua e cultura galega "En galego, co teu acento", dirixido a inmigrantes, emigrantes retornados e persoas de fóra de Galicia que residen en Ames. No curso impartiranse nocións básicas para a comunicación escrita e oral en galego, así como coñecementos sobre a cultura e a historia de Galicia, promovendo a cohesión social e o intercambio cultural. O prazo de inscrición estará aberto desde o 7 ao 25 de setembro de 2015. Para ampliar esta información preme aquí.
