XXII Certame Gráfico pola Normalización Lingüística
15/12/2015
A Coordinadora de Equipos de Normalización Lingüística do Salnés organiza a vixésimo segunda edición do Certame Gráfico pola Normalización Lingüística, dirixido ao alumnado que cursa estudos durante o curso 2015-2016 nos centros de ensino secundario da comarca do Salnés, incluíndo tamén o IES de Barro. Os traballos poderán ser presentados en calquera forma e tamaño sobre papel ou cartolina e deben incluír un texto orixinal e inédito sobre o seguinte tema: “O galego regresa ao futuro. Outros 100 anos pola lingua”. O prazo de presentación dos traballos remata o 22 de xaneiro de 2016. Podes consultar as bases completas da convocatoria premendo aquí.
