Obradoiro de recursos en galego para as familias redondelás
17/2/2016
O Servizo de Normalización Lingüística do Concello de Redondela organiza, no marco do programa Apego, unha nova actividade para dinamizar o uso do galego na primeira infancia. Nesta ocasión trátase dun obradoiro de recursos en galego para as familias, no que se facilitará información sobre materiais e estratexias para cantar, contar e xogar en galego con nenas e nenos de 0 a 6 anos. As sesións terán lugar os días 21 de febreiro de 2016 (ás 12:00 h, na Casa da Cultura de Redondela) e 20 de marzo de 2016 (ás 12:00 h, no Multiúsos do Piñeiral do Crego, en Chapela). A actividade é de balde mais cómpre inscrición previa no correo “normalizacion@redondela.es”. Para ampliar a nova, preme aquí.
