Primeiras xornadas de innovación educativa: palavrar a lingua
1/4/2016
O Sindicato de Traballadoras e Traballadores do Ensino de Galicia (STEG) organiza as Primeiras xornadas de innovación educativa: palavrar a lingua, que terán lugar o sábado 16 de abril de 2016 no Museo do Pobo Galego (Santiago de Compostela). Os obxectivos da actividade son, entre outros, dar a coñecer experiencias innovadoras no ámbito da normalización lingüística, afondar no papel da escola como suxeito transformador e analizar as posibilidades lingüísticas e pedagóxicas da lusofonía para o traballo docente. A xornada está dirixida ao profesorado dos diferentes niveis educativos (Infantil, Primaria e Secundaria). As prazas cubriranse por orde de solicitude, tendo preferencia as persoas afiliadas ao STEG.
