Debate sobre o futuro da lingua galega no Concello da Guarda
2/5/2016
O Concello da Guarda organiza o coloquio “A lingua galega: actualidade e futuro”, que terá lugar o vindeiro 7 de maio de 2016, ás 20:00 h, no Centro Cultural da Guarda. No coloquio intervirán Denis Vicente, que falará da situación social do galego na Guarda e en Galicia; Marisa Guerra, que reflexionará sobre o galego no ensino e na mocidade; e Pablo Vicente, que explicará o que significa ser neofalante. Tamén se proxectará o documental “A memoria da lingua”, da Asociación Cultural As Candongas do Quirombo.
