Conmemórase na Coruña o centenario das Irmandades da Fala
18/5/2016
Hoxe, 18 de maio de 2016, conmemórase o centenario da creación das Irmandades da Fala, un movemento que nacía en 1916 para dignificar e reivindicar o uso do idioma galego en todos os contextos sociais. Cen anos despois, a Real Academia Galega e o Concello da Coruña organizan, como homenaxe aos protagonistas daquel movemento, un acto literario e musical que terá lugar hoxe, ás 20:30 h, no Teatro Rosalía de Castro da Coruña. A entrada é libre e gratuíta ata completar aforo. Podes obter máis información no web da RAG.
