Terra de Lobos, un festival para reivindicar o rock en galego
19/5/2016
No marco dos actos de conmemoración das Letras Galegas que están a desenvolverse ao longo deste mes de maio, as bandas de rock Raiba, Deseqilibrio Mental e Aspergillus de Coira organizan o festival Terra de Lobos, coa intención de reivindicar a utilidade do idioma galego como lingua válida para as artes escénicas e a música. O festival celebrarase hoxe, 19 de maio de 2016, ás 21:00 h, na Sala Capitol de Santiago de Compostela. Podes adquirir a entrada anticipada na tenda A Reixa ou no bar O Pozo (Santiago de Compostela).
