Preséntase a aplicación para móbil “A Liña do Galego”
7/7/2016
A Mesa pola Normalización Lingüística presentou a aplicación móbil A Liña do Galego, co ánimo de proporcionarlle á cidadanía unha nova canle de comunicación a través da que poidan transmitir tanto parabéns, cando queiran recoñecer o labor de quen usa o galego con normalidade, como queixas, cando sintan que os seus dereitos lingüísticos están sendo agredidos. A aplicación, que pode descargarse de balde, está accesible tanto para IOS como para Android. Podes ampliar esta información premendo aquí.
