Nova Escola Galega publica un monográfico sobre o galego na educación infantil
7/10/2016
Nova Escola Galega presentou publicamente onte, 6 de outubro de 2016, na sede da Real Academia Galega o número 65 da Revista Galega de Educación, dedicado na súa totalidade a reflexionar sobre a lingua galega na educación infantil. O monográfico inclúe textos de estudosos/as no campo da sociolingüística, así como achegas de técnicos/as e educadores/as que contan a súa experiencia nos eidos da docencia ou a dinamización lingüística dirixida á poboación infantil. Se o desexas, podes consultar o monográfico completo nos fondos do CDSG. Para acceder a un resumo, preme aquí.
