O Servizo de Normalización Lingüística do Concello de Vigo organiza unha nova edición da iniciativa “Un trasno no barrio”, unha xincana lingüística que nesta ocasión se desenvolverá entre o 1 e o 28 de decembro de 2016 polos comercios do barrio vigués das Travesas. O xogo, dirixido a nenas e nenos de entre 6 e 12 anos, consistirá en resolver os enigmas seguindo as pistas que se atopan nos establecementos participantes, ata completar todas as respostas. As papeletas coas respostas deben entregarse na sede da Asociación de Comerciantes e Empresarios das Travesas. Entre as papeletas entregadas sortearase unha tableta.
