O Concello de Vigo organiza un Nadal de conto para os/as máis pequenos/as
15/12/2016
O Servizo de Normalización Lingüística do Concello de Vigo presenta unha nova edición do programa “No Nadal… un conto”, que se desenvolverá entre o 17 de decembro de 2016 e o 4 de xaneiro de 2017 en diferentes lugares do concello. A iniciativa, que ten como obxectivo crear espazos de lecer en galego para o público familiar e infantil, inclúe contadas, monicreques, cancións, xogos e espectáculos variados. Como novidade, neste edición organizáronse tamén actividades para bebés e as súas familias.
