A AS-PG convoca o XVII Concurso de Relato Oral “Tíralle da Lingua”
18/1/2017
A Asociación Socio-Pedagóxica Galega organiza o XVII Concurso de Relato Oral “Tíralle da Lingua”, dirixido á comunidade educativa co obxectivo de potenciar o uso oral do galego e contribuír a que este idioma se converta en instrumento normal de comunicación e creación de historias. Os participantes poderán contar historias en galego, de base popular, de base literaria ou de creación propia. O prazo de inscrición remata o vindeiro 19 de abril de 2017. A fase final do concurso celebrarase o 25 de abril no Teatro Principal de Santiago.
