Convocatoria para a contratación de técnico/a de normalización lingüística no Concello de Narón
26/1/2017
O Concello de Narón anuncia, no BOP da Coruña do 25 de xaneiro de 2017, a inclusión na bolsa de traballo de 2017 dunha praza de técnico/a de normalización lingüística. O sistema de provisión será o concurso de méritos. Os/as aspirantes deben posuír a licenciatura en Filoloxía Galego-Portuguesa, Filoloxía Galega ou Filoloxía Hispánica (subsección galego-portugués), ou Grao en Lingua Galega. O prazo para a presentación de solicitudes é de 20 días naturais, contados a partir do seguinte ao da publicación do anuncio no BOP. No web do Concello de Narón podes consultar o Regulamento de selección de persoal funcionario interino e laboral temporal, así como os modelos para presentar a relación de méritos e a solicitude de inscrición no proceso.
