Actualízase con novos recursos o web da campaña “Do berce á rúa”
9/2/2017
O Servizo de Normalización Lingüística do Concello de Narón actualiza o web da campaña Do berce á rúa, que botou a andar en 2010 co obxectivo de fomentar a transmisión familiar do galego. O sitio web actualízase agora con novos recursos lúdicos e educativos (contos, xogos, cancións, arrolos… ) dirixidos ás familias e ao profesorado de educación infantil. A maiores, tamén se ofrecen ligazóns a outros sitios web de referencia con información de utilidade sobre saúde infantil e consellos de crianza.
