Preséntase en Marín o documental “Por obra e gracia do idioma”
23/2/2017
A Asociación Queremos Galego Marín organiza, dentro do programa de actividades da sección “Ser lingua non é fácil”, a proxección do documental “Por obra e gracia do idioma”, autoría de Andrea Bernárdez. O documental, que foi elaborado como traballo de fin de grao da autora, reflexiona sobre a realidade lingüística do noso país a través de entrevistas con diferentes persoeiros do ámbito político e cultural. A proxección terá lugar o 3 de marzo, ás 20:00 h, no Museo Manuel Torres de Marín. Podes ver un extracto do traballo nesta ligazón. A partir de maio estará accesible na súa totalidade en Internet.
