Cursos de linguaxe administrativa galega para o persoal das administracións públicas
10/4/2017
A Escola Galega de Administración Pública convoca cursos de linguaxe administrativa galega, niveis medio e superior, nas modalidades de teleformación e presencial. Os cursos van dirixidos aos empregados públicos e ás empregadas públicas destinados na Administración xeral da Comunidade Autónoma de Galicia e das entidades públicas instrumentais do sector público autonómico. O prazo de presentación de solicitudes é de dez días naturais contados a partir do seguinte ao da publicación da convocatoria.
