O Ministerio de Educación, Cultura e Deporte presenta un avance dos datos referidos ao ano 2016 da Panorámica da Edición Española de Libros con ISBN. No que respecta aos libros publicados en galego, os datos constatan un descenso do 13,1% (1.211 títulos en 2016 fronte aos 1.394 publicados en 2015). Tamén diminúe o número de títulos traducidos ao galego; neste caso o descenso é dun 15,6% (54 títulos en 2016 fronte aos 64 de 2015). No referido á edición no conxunto do Estado, os libros editados en galego supoñen un 1,5% do total. No web do Ministerio podes acceder ás cifras concretas da edición en 2016 segundo o idioma de publicación e tradución, así como aos cadros evolutivos do período 2012-2016. Se o desexas, tamén podes consultar a nota co resumo dos datos facilitada polo Ministerio.
