Xincana lingüística para aprender xogando nos meses de verán
11/7/2017
O Servizo de Normalización Lingüística da Mancomunidade de Ordes organiza unha xincana lingüística, dirixida a nenas e nenos de 6 a 12 anos, que se desenvolverá nos meses de xullo e agosto de 2017. O obxectivo é crear espazos de uso para o galego no ámbito do lecer, promovendo a comunicación oral e difundindo, de forma lúdica, vocabulario relacionado coas actividades deportivas. O obradoiro desenvolverase ao longo do período estival nos diferentes concellos que conforman a mancomunidade.
