Nova campaña para fortalecer a identidade lingüística da mocidade
27/4/2018
A Deputación da Coruña presentou publicamente a campaña “O galego: a miña lingua”, que ten como obxectivos fomentar o uso do galego en todos os ámbitos da vida e fortalecer a identidade lingüística da poboación moza. Así pois, a partir do vindeiro 7 de maio diferentes representantes da literatura, a música, o xornalismo, as novas tecnoloxías e as artes plásticas percorrerán os centros de ensino de 43 concellos da provincia da Coruña para sensibilizar aos/ás adolescentes da importancia do uso do galego. Podes ampliar esta nova premendo aquí.
