O Couto convértese un ano máis na aldea das letras
7/5/2018
A Asociación de Veciños Monte Branco e a Fundación Eduardo Pondal presentan o Festiletras 2018, un amplo programa de actividades lúdicas e educativas que converterán un ano máis O Couto, en Ponteceso, na “aldea das letras”. O festival, que se celebra anualmente para conmemorar o Día das Letras Galegas, terá lugar este ano entre os días 16 e 20 de maio, cun programa que inclúe actuacións musicais, obradoiros didácticos, feira de artesanía, espectáculos infantís, etc. Nesta edición, o ámbito científico terá un especial protagonismo, pois o programa dedica unha xornada completa ao proxecto Festiciencia, un evento deseñado para difundir a ciencia e a tecnoloxía en galego. Podes manterte ao día das novidades relacionadas co Festiletras a través da súa páxina de Facebook.
