Festexamos as nosas Letras compartindo orgullo polo galego
16/5/2018
Coincidindo coa celebración das Letras Galegas, o Centro de Documentación Sociolingüística de Galicia convídate a ver, e compartir nas redes sociais, a colección de vídeos O deporte galego fala galego, que agora podes atopar agrupados nunha mesma sección web. Trátase dunha serie de pezas audiovisuais, elaboradas no marco dos XX Encontros para a Normalización Lingüística, nas que dezaoito deportistas galegos/as de elite reflexionan sobre a súa práctica lingüística, ao tempo que transmiten o seu orgullo como falantes de galego.
