Curso de verán sobre as estratexias de internacionalización do galego
6/6/2018
A Universidade de Santiago de Compostela inclúe na oferta formativa da Universidade de Verán 2018 o curso “Galego, porta aberta para o mundo”, que terá lugar en Santiago de Compostela entre os días 26 a 29 de xuño. O curso, dirixido por Teresa Moure, quere analizar a situación actual do idioma galego, así como as estratexias para a súa internacionalización, ao abeiro do marco normativo que ofrece a Lei 1/2014, máis coñecida como Lei Valentín Paz-Andrade. Para obter máis información sobre os trámites de matrícula, preme aquí.
