Cedeira celebra o II Festival de música galego-portuguesa
13/6/2018
O Concello de Cedeira organiza a segunda edición do Festival de música galego-portuguesa “Traz outro amigo também”, que se celebrará entre os días 15 e 17 de xuño en Cedeira, co obxectivo de reivindicar o valor da música como arma de transformación social e crear puntos de encontro no ámbito da lusofonía. Ademais das actuacións musicais, no marco deste festival terán lugar unhas xornadas de lingua centradas tamén no ámbito da lusofonía, nas que intervirán os profesores José Luís Fernández (EOI da Coruña), Mauricio Castro (EOI de Ferrol) e Ramón Mariño (USC). Para ampliar esta información, preme aquí.
