Vinte concellos galegos impulsan a Asemblea de Entidades Locais pola Lingua
26/10/2018
Vinte concellos galegos anuncian a futura creación da Asemblea de Entidades Locais pola Lingua. Trátase de entidades locais que xa viñan traballando xuntas en diferentes proxectos de normalización lingüística (como Apego, Youtubeir@s ou Club de debate) e que agora deciden dar un paso máis na formalización deste traballo colaborativo. A asemblea, aínda en proceso de creación, está aberta a novas incorporacións, de feito, os promotores enviarán convite formal a todos os concellos galegos e deputacións para que se sumen ao proxecto. O requisito é desenvolver políticas de normalización lingüística e contar no organigrama cunha unidade técnica para executalas. Podes ampliar información premendo aquí.
