O Centro Ramón Piñeiro conmemora os seus 25 anos de investigación lingüística
31/10/2018
No marco dos actos de conmemoración do seu 25 aniversario, o Centro Ramón Piñeiro para a Investigación en Humanidades organiza a xornada “O Centro Ramón Piñeiro e a investigación lingüística”, que terá lugar o vindeiro 14 de novembro de 2018 no pazo de San Roque, en Santiago de Compostela. O obxectivo da xornada é poñer en valor os diferentes proxectos lingüísticos desenvolvidos polo Centro nos seus 25 anos de traxectoria. Podes obter máis información sobre o programa da xornada e os trámites de inscrición premendo aquí.
