Os actos comezarán ás 12 horas na Biblioteca da Cidade da Cultura cun relatorio do actor e director teatral Quico Cadaval. De seguido o narrador oral Cándido Pazó ofrecerá o espectáculo cómico "Cunqueiradas" con historias e lerias inspiradas nos contos do xenial escritor mindoniense. O Consello da Cultura impulsa, polo demais, un amplo programa de actos conmemorativos do centenario cunqueirián.