O tecido cultural e educativo galego homenaxea a Rosalía
22/2/2019
Desde 2010, a Asociación de Escritores en Lingua Galega (AELG) promove que cada 24 de febreiro se conmemore o Día de Rosalía de Castro, figura clave na reivindicación e prestixio do idioma galego no século XIX, convidando á cidadanía a agasallar un libro en galego e unha flor neste día. A maiores, diferentes institucións, entidades culturais e centros de ensino do país promoven tamén actividades e actos de homenaxe. A Asociación de Escritores en Lingua Galega organizará o seu acto central o vindeiro domingo, 24 de febreiro, no Panteón de Galegos Ilustres. No web da AELG podes manterte ao día de todo o relacionado con esta celebración.
