PRENSA

----
  1. Inicio
  2. Prensa

O Consello da Cultura Galega amosa a satisfacción pola candidatura da Ribeira Sacra a Patrimonio da Humanidade

O Consejo de Patrimonio Histórico de España acaba de aprobar a candidatura da ribeira Sacra para ser declarara Patrimonio da Humanidade. A presidenta da institución, Rosario Álvarez, afirmou que a institución se congratula por esta candidatura que é “o recoñecemento dunha paisaxe icónica para a cultura galega pero tamén de todo un xeito de vida. Os valores intrínsecos da Ribeira Sacra son o froito do pouso do paso do tempo no que se entremesturan natureza, humanización, patrimonio artístico, relixiosidade .... en definitiva, cultura”.

A candidatura a Patrimonio da Humanidade é o resultado dun intenso traballo colectivo no que o Consello da Cultura Galega (CCG) tamén achegou o seu gran de area. En 2018, o CCG elaborou un informe sobre a incoación de Ben de Interese Cultural da Ribeira Sacra no que apuntaba a singularidade deste espazo no que confluíron aspectos culturais e naturais que, de xeito independente, foron xerando unha paisaxe cunhas características que a fan única.