O Servizo de Normalización Lingüística da Universidade da Coruña, en colaboración co Concello de Carballo e a Secretaría Xeral de Política Lingüística, organiza o XV Curso de verán sobre dinamización lingüística "Traballando en lingua", que nesta edición se centrará en analizar a situación do idioma galego no sector turístico e en deseñar estratexias para incrementar o seu uso. As sesións desenvolveranse os días 17 e 18 de xullo de 2019 no Fórum Carballo. O prazo de matrícula remata o 10 de xullo.
