A Universidade de Vigo (Uvigo) dedícalle o ano 2020 á investigación científica en lingua galega, motivo polo cal a súa Área de Normalización Lingüística tamén empregou este mesmo fío temático na elaboración do seu almanaque anual. Baixo o lema “A investigación dá froitos”, o calendario 2020 da ANL, elaborado en colaboración coa Unidade de Cultura Científica e da Innovación, ilustra cada mes do ano coa imaxe dun froito exótico e dálle visibilidade ao traballo de diferentes grupos de I+D da UVigo comprometidos coa defensa do noso idioma.
