Coñece as 50 canles de Youtube en galego máis populares
11/5/2020
A canle de Youtube A Lobeira Today ofrece a súa particular lista das 50 canles de Youtube en galego máis populares. Nesta primeira entrega poderás coñecer cales son a día de hoxe esas 50 canles de Youtube de “carácter persoal” con máis subscritores/as que, ademais, cumpren os seguintes requisitos: apostan polo idioma galego como vehículo de comunicación e publicaron polo menos un vídeo no último ano. Segundo informa o promotor da iniciativa, a listaxe irase actualizando cunha periodicidade trimestral.
