Axudas para a comunicación en galego na hostalería compostelá
12/6/2020
O Concello de Santiago de Compostela, no marco do seu Plan de reactivación da actividade turística, publica unha convocatoria de axudas para a mellora e innovación da restauración e da hospedaxe compostelás no novo contexto económico derivado da Covid-19. Entre os conceptos subvencionables, inclúese unha liña de axudas para gastos de comunicación en lingua galega e/ou noutros idiomas que contribúan a unha mellor atención da clientela turística.
O prazo de presentación de solicitudes será de vinte días hábiles, contados a partir do seguinte ao da publicación da convocatoria no BOP. Podes ampliar a nova premendo aquí.
