Os diversos obradoiros de Ciberlingua comezaron o 19 de novembro e, ata mediados de febreiro, achegarán a pais e profesores as utilidades dos navegadores, dos correos e dos sitios web en galego. A segunda fase, que durante o ano pasado foi a de maior acollida, comezará a partir de abril de 2003 e vai destinada ós alumnos.


As novidades deste ano son os Obradoiros clic, que permiten a consulta e elaboración de materiais didácticos na rede. A Guía de recursos é outro dos materiais desta campaña, e ofrece un amplo abano de sitios web clasificados por áreas de interese.

Ciberlingua presentouse o martes 12 de novembro no Auditorio de Galicia, en Santiago de Compostela, e contou coa asistencia de representantes do CDSG e doutros membros de diferentes colectivos e entidades relacionados co idioma.


Pode obter máis información desta iniciativa na súa web.