A Consellería de Educación destina na orde publciada no DOG do 7 de febreiro unha partida de 601.000 euros a fomentar a presencia do galego nas empresas, a través do seu emprego nas actividades publicitarias ou da creación dun gabinete de asesoramento lingüístico.

O prazo para solicitar as axudas remata o 26 de marzo, e poden entrar nesta convocatoria todas as actividades que se realicen ata o 15 de setembro deste ano.


Por outra banda, na orde do 10 de febreiro faise pública a convocatoria de axudas para as actividades creativas de asociacións e entidades privadas sen ánimo de lucro, que se desenvolvan ata o 31 de outubro. O prazo para presentar as solicitudes está aberto ata o 29 de marzo. Quedan excluídas desta convocatoria as entidades que dependan de entidades locais e as asociacións de pais de alumnos.


Pode obter máis información para as subvencións a empresas no DOG do 7 de febreiro . A convocatoria para as axudas a asociacións está dispoñible no DOG do 10 de febreiro.