O Espazo de Cine da Área de Cultura da USC convoca a sexta edición do maratón "Findecurta", un certame audiovisual para fomentar a creatividade e o uso do galego entre a mocidade. Tras unha sesión informativa a través de Zoom que terá lugar o vindeiro 4 de xuño, as persoas inscritas disporán de 80 horas (ata o 8 de xuño ás 10:30 h) para elaborar por equipos a súa curta. Outorgarase un primeiro premio de 400 €, que supón ademais a participación da curtametraxe na 43ª Semana de Cine de Lugo; e un segundo premio (premio do público) que supón a participación da curta na 43ª Semana de Cine de Lugo. O prazo de inscrición remata o vindeiro 2 de xuño. Para consultar as bases completas do certame, preme aquí.
