Formación lingüística para o persoal das administracións autonómica e institucional
16/6/2021
A Escola Galega de Administración Pública anuncia a convocatoria de actividades de formación continua para o persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional. No que respecta á formación de carácter lingüístico, ofértase un curso de "Actualización gramatical e ortográfica da lingua galega", de 30 horas de duración, que se desenvolverá en formato mixto (teleformación e telepresenza) durante os meses de outubro e novembro de 2021. O prazo de presentación de solicitudes será de 10 días, contados a partir do seguinte ao da publicación da convocatoria.
