A Deputación de Pontevedra pon en marcha o Musigal 2022
30/12/2021
A Deputación de Pontevedra publica as bases do programa Musigal 2022, deseñado para contribuír á difusión e á promoción da música galega e en galego nos concellos da provincia de Pontevedra. Ao abeiro deste programa crearase un catálogo de grupos musicais profesionais que fagan música galega e en galego nos seus concertos ou, no caso de ser instrumentais, que as súas pezas sexan de autoría galega. Posteriormente, este catálogo ofertaráselles aos concellos da provincia con menos de 50.000 habitantes para que poidan solicitar a actuación dos grupos. O prazo de presentación de solicitudes de inclusión, baixa ou modificación de datos para os grupos musicais estará aberto do 1 ao 15 de xaneiro de cada ano natural. Os concellos interesados poderán presentar as solicitudes entre o 20 de xaneiro e o 15 de febreiro de 2022. Podes consultar as bases completas do programa premendo aquí.
