Nace un novo proxecto web centrado na comunidade neofalante
2/2/2022
O grupo de Novos Medios da Facultade de Ciencias da Comunicación da USC, coa colaboración da Secretaría Xeral de Política Lingüística, presenta o web Neofalantes.gal, un proxecto que ten como obxectivos dinamizar, dignificar e darlle visibilidade á comunidade neofalante. Ademais de difundir contidos de interese relacionados co neofalantismo (información, investigación, formación...), os promotores da iniciativa queren crear novos espazos físicos e virtuais que estimulen a incorporación ao galego de novos falantes, nomeadamente no ámbito universitario. Podes ampliar esta información premendo aquí.
