A Secretaría Xeral de Política Lingüística da Xunta de Galicia presentou o pasado mes de decembro de 2021 a campaña “Saca o galego que levas dentro”, unha iniciativa de promoción do uso da lingua galega dirixida ao conxunto da sociedade. O material lúdico elaborado ao abeiro desta iniciativa está agora accesible en liña para a súa descarga gratuíta. Trátase do xogo “Dálle á lingua!”, unha baralla con 40 cartas que conteñen instrucións para superar unha serie de probas onde a lingua galega é a protagonista.
