Subscríbete ao galego. Campaña de dinamización do uso do galego en internet
13/5/2022
A Asociación de Medios en Galego (AMEGA), Dinahosting e PuntoGal suman forzas para lanzar a campaña Subscríbete ao galego. Esta iniciativa, destinada a mellorar a presenza da lingua galega nos espazos de información na rede, ofrece de balde un dominio .gal e un aloxamento web para ese dominio durante un ano a quen se subscriba aos medios de comunicación participantes: Nós Diario, Radiofusión, Tempos Novos, Praza, Luzes, O Sil, Revista Mazarelos, Nós TV, O Barbanza e Código Cero. Para favorecerse desta oferta, cómpre realizar a subscrición entre os días 17 e 31 de maio de 2022.
