O Concello de Melide está a desenvolver, en colaboración coas empresas de servizos fúnebres do municipio (funerarias, marmoreiras e florerías), a campaña “Melide agora e sempre en galego”, co obxectivo de fomentar o uso do noso idioma nos actos fúnebres, derradeiras vontades, placas mortuorias e necrolóxicas. As empresas adheridas á campaña contarán co apoio do Servizo de Normalización Lingüística do Concello de Melide e, a maiores, recibirán tamén un Manual de recursos en lingua galega para actos funerarios.
Esta iniciativa enmárcase no conxunto de accións que durante este mes de novembro están a promover a Asociación de Funcionarios para a Normalización Lingüística e mais a Secretaría Xeral de Política Lingüística ao abeiro da celebración do Día da Restauración da Memoria Lingüística de Galicia.
Se desexas ampliar información, preme aquí.
