Novas actividades de dinamización lingüística na Universidade de Vigo
30/11/2004
A Área de Normalización Lingüística da Universidade de Vigo presenta os dous últimos froitos do seu labor de promoción do uso do galego no ámbito universitario.
Trátase nesta ocasión do programa Intergalcome, que ten como obxectivo facilitar a integración lingüística e cultural do alumnado foráneo, e a publicación da obra Lingua galega. Dúbidas lingüísticas, que quere contribuír á mellora da calidade lingüística dos textos producidos pola comunidade universitaria.
