O Servizo de Normalización Lingüística do Concello de Pontevedra presenta o programa da nova edición do Galegote Rock, deseñado para promover os grupos musicais que cantan en galego e crear espazos de uso para o noso idioma no ámbito do lecer. Os vindeiros días 5 e 6 de maio de 2023 Pontevedra encherase de música con máis dunha ducia de actuacións de diferentes estilos, tanto para público adulto como infantil.
Na páxina web do Concello de Pontevedra podes consultar o programa completo. Tamén podes manterte ao día das últimas novidades a través do Facebook da iniciativa.
