Xa pode consultar en liña o número 18 do Cartafol Dixital, boletín mensual editado polo Servizo de Normalización Lingüística da Universidade de Santiago de Compostela.
Entre os contidos deste número salientamos a presentación dos datos estatísticos sobre as axudas para o uso do galego nos traballos de investigación, a presentación da enquisa sobre os usos lingüísticos na Escola de Relacións Laborais da USC e o anuncio da apertura de matrícula na segunda quenda de cursos para non galegofalantes.
