Festichío con música en galego para os máis pequenos de Moaña
20/6/2023
O Servizo de Normalización Lingüística e a Biblioteca Pública Municipal do Concello de Moaña organizan o Festichío, un festival musical dirixido a público infantil e familiar que pon o ramo ao programa Rechouchíos dos meses de maio e xuño de 2023. O festival terá lugar o vindeiro xoves, 22 de xuño, a partir das 19:00 h, no arboredo da Xunqueira (Meira) e os/as máis pequenos/as e a súas familias poderán gozar das actuacións de María Faltri, Jorge Juncal, Magín Blanco, Gloria Mosquera, Paco Nogueiras, Pakolas, Uxía e Brais das Hortas. A entrada é de balde.
