O número 1, correspondente aos meses de febreiro e marzo de 2005, acaba de saír á rúa e achéganos, entre outras novidades, a presentación do Plan xeral de normalización da lingua galega ou a nova sobre o obradoiro de integración lingüística e cultural que está a organizar o SNL do concello.


O boletín ten unha periodicidade bimensual e conta cunha tiraxe de 1 200 exemplares, que se distribúen entre as empresas, centros de ensino e asociacións do municipio.


Desde o CDSG saudamos esta nova publicación, á que pode ter acceso, se o desexa, a través do servizo de consulta en sala dos nosos fondos documentais.