A Asociación Álvaro das Casas fixo públicos os galardoados da décimo quinta edición dos Premios Bacelos de Prata, que teñen como obxectivo recoñecer o labor de empresas que apostan polo galego como marca de calidade na etiquetaxe dos seus produtos. As entidades galardoadas nesta edición de 2023 son a Adega Tapias Mariñán, da denominación de orixe Monterrei; e a sociedade de gandeiros galegos Leite Noso, comercializadora de marcas como Deleite ou Muuu.
