Créase a Asociación Pro Fundación Manoel Vello, para a promoción do idioma galego
22/9/2023
O pasado 15 de setembro de 2023 rexistrouse formalmente a Asociación Pro Fundación Manoel Vello, unha entidade que ten como principais obxectivos promover e fomentar o uso do galego en todos os ámbitos da sociedade, así como impulsar a creación dunha fundación que leve o mesmo nome, en memoria deste galeguista, falecido o pasado 17 de decembro de 2022, que destacou, entre outras moitas cousas, polo seu activismo a prol da normalización plena do idioma galego.
Na páxina web da asociación podes obter máis información sobre a iniciativa e as vías de colaboración.
