O Centro Ramón Piñeiro presenta un dicionario galego-italiano en liña
26/9/2023
Co gallo do Día Europeo das Linguas, que se celebra cada 26 de setembro, o Centro Ramón Piñeiro para a Investigación en Humanidades presenta o Dicionario galego-italiano Galita, unha obra lexicográfica, dirixida pola catedrática emérita da USC Isabel González, que contén case 15.000 palabras e o dobre de equivalencias, seleccionadas segundo un criterio didáctico.
O dicionario está deseñado para o estudantado galego de filoloxía italiana, para os estudosos das filoloxías románica e galega e, en xeral, para o público galego que desexe aproximarse ao idioma italiano.
Podes ampliar información sobre esta iniciativa premendo aquí.
